Ræningjar og ribbaldar ! / Bandits !

Ég fékk góða athugasemd við síðustu blog færslu frá Gumma Páls af Skaganum sem var svona:

Sæll Sverrir... Ég er búinn að vera að fylgjast töluvert með þessu annsi skemmtilega bloggi þínu og það er alltaf einhverjar spurningar sem vakna eftir hverja lesningu eins og með það sem hægt er að skipuleggja og það sem ekki er hægt að skipuleggja en auðvitað veit ég að það er oft skemmtilegast að leysa verkefnin á staðnum og hafa e-h til að hlakka til.

En eina og að vera að hjóla í gegnum svona lönd eins og Mongolíu,Rússland og lika bara Bandaríkinn þá eru tveir menn á besta aldri á Enduro hjólum voðalega spennandi kostur fyrir ribbalda og ræningja. Hafiði eitthvað spáð í þessu og þá t.d. hvort þið ættlið að vera með einhver verkfæri (vopn) t.d. mais úða eða annað til að verjast þessum líð???   Og svo hvað skal gera við hjólinn á nóttinni þegar gist er á vegamóteli eða álíka stöðum???  En annars bara góða ferð og megiði aka á guðs vegum.

Að sjálfsögðu höfum við hugsað og rætt töluvert um þetta.  Við höfum rætt um að hafa einhverskonar vopn eða eitthvað annað til að verjast með, en niðurstaðan alltaf sú sama: Engin vopn.  Við verðum jú með Leatherman sem fyrst og fremst hugsaður sem alhliða verkfæri og áhald en ekki sem vopn til að verjast með.  Eina leiðin til að varast þetta fólk er bara að fara varlega og setja sér nokkrar einfaldar reglur til að fara eftir.  Vera alltaf tveir saman,  vera ekki á ferðinni á kvöldin, - vera alltaf á verði gagnvart umhverfinu, - ekki vera að sýna verðmæti eins og peninga eða kort.  En þessi hætta er jú alltaf fyrir hendi, og ef að ræningjar er ribbaldar ætla sér að ræna mann á annað borð, þá má maður sín lítils. Þá er einfaldlega betra að afhenda það sem þeir biðja um og komast óskaddaður frá svona atburði.  Við verðum með neyðarkort, peninga og afrit af vegabréfi falið á góðum stað sem við getum gripið til ef við lendum í svona atviki.  En varðandi geymslu á hjólunum, þá munu við reyna að finna gististaði sem bjóða upp á læsta og/eða vaktaða geymslu fyrir hjólin.  Stundum sofum við í tjaldi og þá eru hjólin einfaldlega við hliðina á okkur.  Einnig verðum með sterkan vír með okkur til að læsa hjólin saman eða við eitthvað. 

En á heildina litið þá eru þessi mál einmitt ein af mörgum áhættuþáttum í svona ferð og það sem gerir hana að því sem við köllum ÆVINTÝRI.  

 

I got a good comment on my last blog from Gummi Páls which went something like this:

Hello Sverrir...I've been reading your much so enjoyable blog for quite a while now and I've noticed that after each blog you always leave us with a different question one of which being what you can plan and what you can't. Of course I know that it can be a lot of fun trying to solve each problem on the spot and always having something to look forward to.

But in countries like Russia, Mongolia and even the USA, two men on well equipped motorcycles can by an exciting option for bandits. Have you given any thoughts into this and if so, are you going to bring any tools(weapons) with you e.g. some kind of sprays to protect yourself from these people? Also, what are you going to do with the bikes while you stay at motels and other similar places during the night?  But I wish you a good trip and may God be with you.

Of course we've thought about this and discussed this a lot. We've been thinking about having something to protect ourselves with but the conclusion is always the same: No weapons. Of course we'll have our Leatherman but we think of it more as an all-around tool rather than a weapon or something to protect ourselves with. The only way to avoid these people is simply to be careful and set some simple rules that you always have to go by. Always be 2 together, don't be riding or walking around during the night, Always be aware of our surroundings, don't show any valuables such as money or credit cards etc. But the risk is always there, and if bandits are determined to rob us you can't do much about it. The best way to get away unharmed from such event is to give them whatever they want. We'll have emergency credit cards, money and copies of our passports hidden in a good place which we could use if something like that happens. But concerning the storage of our bikes, we're going to try to find a place to sleep where they offer a locked or a guarded storage room for our bikes. Sometimes we'll sleep in a tent and in that case, the bikes are right beside us. We'll also have a strong wire with us which we can use to lock the bikes togeather or lock them to something else.

But overall, these things are a big part of of the risk that comes with a trip like ours and makes it a so-called ADVENTURE

Athugasemdir

[Þórir Ingvarsson (IP-tala skráð) 11.3.2007 kl. 22:06]

Sæll.

Eins og Gummi er ég búinn að vera að fylgjast með blogginu þínu og hef mjög gaman af, hlakka til að fylgjast með þegar þið verðið farnir af stað og myndi helst vilja sjá einhvern góðan hóp hjólamanna fylgja ykkur fyrsta og síðasta spölin.

Varðandi öryggi á ferðinni er ég hjartanlega sammála ykkur. Ég er sjálfur lögreglumaður og vil sjá fólk ferðast á öruggan hátt og besta vopnið er hausinn, bæði heilinn og kjafturinn, að geta talað sig frá veseni en einnig að forðast aðstæður sem leiða til óþarfa vandræða.  Vopn leiða frekar til að menn reyni eitthvað sem endar bara með ósköpum. Td. eru flestir lögreglumenn sem drepnir eru, skotnir með eigin vopni. 

Annars ætlaði ég bara að þakka þér kærlega fyrir að leyfa okkur hinum að vera með, en það gerirðu með því að skrifa reglulega hérna inn og segja okkur frá því hvernig þetta gengur fyrir sig.

Takk fyrir mig.

Þórir Ingvarsson.