5 dagar til brottfarar ! / 5 days to go !

Það er ekki laust við að spennan sé farinn að gera vart við sig.  Eins og Einar bróðir orðaði ágætlega þegar við vorum spurðir hvort við svæfum ekki vel á nóttinni, - " Jú við sofum eins og lömb, - bara milli þess sem við hrökkvum upp "  Það er kannski pínulítið til í þessu og eftir því sem dagurinn nálgast man maður alltaf eftir einhverju sem á eftir að gera.  En þetta er jú hluti af þessu öllu saman og um að gera að njóta þess.  Litla prinsessan mín, Fanndís María, er búin að fá 2 - 3 grátköst og hleypur upp í fangið á pabba sínum og segir honum að hann megi ekki fara eða að hann verði nú að rata til baka.  Þetta er trúlega eitt það erfiðasta fyrir mig að upplifa þessa dagana.  Stóru strákarnir mínir, Þorsteinn, Jón og Haukur bera sig nú vel.  En það kemur upp ein og ein spurning öðru hvoru hvað gerið þið ef að þetta eða hitt bilar ?  Þetta eru jú allt góðar og réttmætar spurningar og að sjálfsögðu reyni ég að svara þeim á skynsaman og eðlilegan hátt.  Þetta er ævintýraferð og þá verður maður að vera viðbúinn öllu því ekki er hægt að undirbúa sig fyrir allt.  Aðalatriðið er, að vera viðbúinn því að allt geti gerst.  Við fengum loksins talstöðvarnar okkar í gær hjá honum Ásgeiri í Aukaraf.  Þetta eru talstöðvar af ICOM gerð og er Ásgeir búinn að forrita þær fyrir okkur þannig að þær eiga að duga allsstaðar og það sem meira er, vera löglegir með þær allsstaðar.  Frábært verk hjá þeim í Aukaraf.  Við erum búnir að prófa þetta og tengja í hjálmana, og  upplifunin er þannig að þetta mun auka  upplifunina í ferðinni til muna.  Núna er ég að byrja að pakka og sjá hvað kemst ekki með ! Mjög spennandi.  MotorMax, umboðsaðili Yamaha, verður með mikla uppákomu í verslun sinni á laugardag og þar verðum við bræður þungamiðjan.  Þar mætum við og sýnum leiðina, hjólin og búnaðinn, og spjöllum við gesti og gangandi.  Það verður vonandi gaman og trúi ég að margir muni mæta og skoða.  Takk í bili.

The exitment and tension is increasing day by day.  My brother was asked the other day if we woke up at night because of stress and he answered like this: No we sleep like a lamb, between the moments we wake up !!  Maybe he is right, but as the moment gets closer, you always remember something that you have to do.   My little daughter, Fanndis Maria, has jumped into my lap two or three times, and tell me that I can´t go or I have to be sure to find the right way home.  My three older son, Þorsteinn, Jón and Haukur are stronger but now and then they aske me what we will do if this or that happens on the way.  Of course I try to answer them and tell them not to worry.  But off course anything can happen.  Yesterday we got the radios and we tried them and they work great.  They are from ICOM and has been programed for us so that we can use them all the way round the world.  The Icelandic Yamaha dealer is having a big day on saturday, where we are in focus.  We will be there with the bikes and most of our gear.  Hopefully many people will come and talk to us.  Thanks.