Ridgecrest, California, USA

Jæja, loksins farnir af stað, allir fjórir.  Pabbi og Skúli komnir á sitthvorn Harley Davidson og eru þeir ótrúlega flottir, þ.e. karlarnir !  Við fórum fyrst til Hollywood til að sjá hið fræga Hollywood merki og hjóla Hollywood Boulevard og var það gaman.  Annars var umferðin svo mikil og hitinn mikill að þetta var frekar erfitt og fórum við sem fyrst af stað út úr borginni.  Við tókum stefnuna út úr borginni til austurs og svo til norðurs og var mikil upplifun fyrir okkur og þá sérstaklega Harley bræður að komast út í eyðimörkina.  Þar var vegurinn þráðbeinn í tugi kílómetra og ekkert nema eyðimörkin í kring með sínum smá hríslum og greinum.  Hitinnn fór í ca 40 gráður og er því rosalega heitt að hjóla.  En það verður bara að venjast.  Við erum núna í litlum bæ sem Ridgecrest og er úti í eyðimörkinni og var ferðinni heitið til Las Vegas í dag, með viðkomu  i Dauða dalnum ( Death valley ) en það breyttist.  Einar lagði hjólinu sínu fyrir utan herbergið okkar í gær, og þegar hann ætlaði að starta í morgun þá vildi það ekki í gang.  Til að gera langa sögu stutta, þá semsagt bilaði mótorinn í hjólinu hjá honum og stendur nú viðgerð yfir.  Varahluturinn sem okkur vantar kemur á morgun og seinnipartinn á morgun ættum við því að geta lagt af stað aftur.  Fyrir þá sem hafa vit á, þá bognuðu innsogsventlarnir báðir, og mótorinn hætti að þjappa.  En þetta er bara smáverkefni sem við þurfum að leysa og eins og venjulega þá gerum við það.  Við lítum bara á þennan biðtíma sem aðlögunartíma fyrir Harley bræður, til að venjast hita og einnig þessum mikla tímamun sem þeir eru að upplifa.  Death valley, er heitasti staður Bandaríkjanna og hafa sumir varað okkur við að fara þarna í gegn á þessum árstíma. Ég veit ekki alveg hversu hár hitinn getur orðið en trúlega um og yfir 50 stig !  En við ætlum samt.  Einnig er þessi staður lægsti punktur Bandaríkjanna, ca 80 metrar undir sjávarmáli.  Þaðan tökum við svo stefnuna beint til Las Vegas.  Ætlunin er að reyna að fylgja gamla Route 66 veginum yfir Bandaríkin, með viðeigandi útúrdúrum og þess háttar.  Fyrir tilviljun, þá var gististaðurinn sem við gistum á í Santa Monica, aðeins 500 metrum frá upphafspunkti, eða endapunkti, route 66 !  Skemmtileg tilviljun og erum við því nú þegar búnir að hjóla smávegis af þessum fræga vegi.  En þetta er nóg í bili.

We’re finally on the road, all four of us. My father and Skúli are riding their Harleys and they are looking really good. We first went to Hollywood to see the famous Hollywood sign and ride the Hollywood Boulevard and that was really fun. The traffic was heavy and the temperature was high so this was pretty difficult and we left the city pretty soon. We headed east at first and the north and it was a great experiance for us being there in the desert, especially for the Harley brothers. The road was straight for miles and miles and nothing but the desert around us. The temperature went up to 40° so it was pretty hard to ride there but we just have to get use to it. We are now in a little town called Ridgecrest which is in the desert. We were going to go to Las Vegas today and ride through Death Valley but things changed. Einar parked his bike outside our room last night and when he was going to start the bike this morning it didn’t work. To make a long story short, the motor broke down and we’re repairing it now. The spare part we need is going to be here tomorrow and we should be on our way in the afternoon. But we just look at the waiting as a time to adjust for the Harley brothers who have to get use to the heat and the timedifference. Death Valley is the hottest place in the US and people have warned us to not go there on this time of the year. I don’t know exactly how high the temperature can get there but it’s probably around 50°C! But we’re going through there anyway. This is also the lowest point of the US, ca 80 metres below sealevel. From Death Valley, we’ll then head straight to Las Vegas. The plan is to follow the old Route 66 across the US, with some minor detours of course. Coincidently, our hotel, Santa Monica, is only 500 metres from the starting point (or the end) of Route 66! It’s a funny coincidence and we’ve now ridden a little part of this famous road. But that’s enough for today, ttyl - Sverrir

Athugasemdir

[halldor johannsson (IP-tala skráð) 26.7.2007 kl. 22:22]

Vonandi verður ekki algjör steik hjá ykkur á þessari leið.Setti upp hattinn og tek svo ofan fyrir ykkur fjórum.Góða ferð.