7 dagar til brottfarar ! / 7 days to go !

Vika til stefnu og hjólin nánast klár .  Vaknaði snemma í morgun eftir smá gleðskap í gær með vinum og skellti mér í skúrinn !  En ekki hvað.  Einar kom stuttu seinna og var hafist handa.  Við útbjuggum festingar fyrir fánana og einnig settum við drullusokka að aftan til að varna því að við verðum drulluskítugir upp á bak þegar við hjólum í rigningu.  Einnig límdum við á hjólin fleiri logo.  Vélaverkstæðið Kistufell hafði samband við okkur og voru þeir svo rausnalegar að styrkja okkur með veglegum peningastyrk og þökkum við þeim kærlega fyrir það.  Það á eftir að nýtast okkur vel.  Næst var stefnan tekin út á Geldingarnes, eftir að hafa slitið Þorstein elsta soninn frá próflestri, og þar stjórnaði Þorsteinn okkur í klukkutíma og tók af okkur myndir af sinni alkunnu snilld.  MotorMax ofl. hafa beðið okkur um myndir til að nota í kynningarefni ofl.  Ég hef ekki séð myndirnar ennþá, fyrir utan þessa einu sem er hér fyrir neðan.  Þegar við vorum þar hringdi Smári Rikk í okkur og vildi koma í hjólatúr.  Hann kom og síðan tókum við stefnuna á Garðabæinn.  Við fórum sem sagt til Pabba  og þaðan var förinn heitið í 1. Maí keyrsluna hjá Sniglunum.  Þegar við vorum þar bættist í  hópinn  því Tedda mágkona og Sverrir Fannar frændi slóust einnig í hópinn.  Síðan var haldið af stað í Perluna.  1. Maí keyrslan tókst vel og nokkur hundruð mótorhjól af öllum stærðum og gerðum mættu og voru með.  Keyrslan endaði svo í Smáralind og var mikið skoðað, spjallað og rætt.  Eftir að hafa kvatt alla fórum við Einar til Dr. Guðmundar Björnssonar í Fossvoginn og þar tók hann vel á móti okkur eins og honum er einum lagið.  Hann fór yfir lyfjamálin með okkur og ætlar útbúa góðan nestispakka handa okkur.  Guðmundur verður á bakvakt fyrir okkur allan sólarhringinn og getum við hringt í hann hvenær sem er ef eitthvað bjátar á.  Það er mikill stuðningur og góð tilfinning að vita af honum hinum megin á línunni.  Eftir þetta var hjólað heim og góðu kjöti skellt á grillið.  Að lokum þetta.  Allir velkomnir í höfuðstöðvarnar, Smárarima 50, til að spjalla og skoða .  Frúin er búin að ákveða að hafa kveðjupartý fyrir mig á sunnudaginn kemur, kl. 2-18 þe. hafa opið hús fyrir alla sem vilja koma og kveðja mig svo allir sem vilja koma og kasta á mig kveðju  - muna eftir sunnudeginum.

Only week to go and the bikes are almost ready.  Woke up this morning after a nice evning with friends and went out to the garage.  What else !  Shortly after that, Einar came and worked on the bikes.  Put on the flag, rear mudguard, and some new logos for a good sponsor.  Then we went out for some photo shooting.  My oldest son, Þorsteinn, took nice photos that are going to be used in the papers, presentation etc.  This is done for the Yamaha dealer.  After that we went riding.  My friend Smári Rikk came and all of us went to meet our father at his home.  When we where there, my youngest brother wife, and my oldest brother son, came and joined the group.  Then we went out riding around.  Apr. three o clock, we went to Dr Gudumundur Björnsson´s home and talked about the medication that we are going to take along.  The day ended home with my family barbequing a nice meet and potatoes.  In the end I just want to let everybody know, that next sunday we will have a good by party  at my home and everyone is velcome.

Athugasemdir

[Sigurður (IP-tala skráð) 1.5.2007 kl. 21:56]

Sælir strákar.
Það hefur verið gaman að fylgjast með ykkur undan farnar vikur og mig hlakkar til að fá fréttir af ferðinni þegar þar að kemur!
Sjálfur fer ég síðar í mánuðinum til Þýskalands til að sækja mér eitt notað hjól og stefni á að hjóla um Evrópu í 10 daga og koma heim með Norrænu.
Ég er með eina athugasemd varðandi dekkin á hjólunum. Er ekki ástæða til að velja grófara mynstur?
Þeir barðar sem eru undir hjá ykkur henta sennilega vel í 98% ferðarinnar en ég er að velta fyrir mér þessum örfáu skiptum þar sem þið lendið í erfiðri færð / rigningu og e.t.v. leðju. Hjólin vel þung og mikilvægt að vera með grip. Sérstaklega ef hugsað er til myndanna sem þið sýnduð af Síberíu "hraðbrautinni" ;o)

Bestu kveðjur og góða ferð, Sigurður.

[Oddur Eiríksson (IP-tala skráð) 1.5.2007 kl. 22:13]

Sælir bræður.

Gaman að hitta ykkur í dag og hjóla með ykkur í Smáralindina.

Flottar mynd hjá Þorsteini af ykkur.

Það er ekki slæmt að geta haft samband við Dr Guðmund ef eitthvað bjátar á sem við vonum að verði nú ekki. Hann getur þá eflaust verið beitt "fjarlækningum" sínum þannig að vel fari "24-7".

Ég get því miður hvorki kvatt ykkur í Smárarimanum né fylgt ykkur úr hlaði en ef þið sjáið bláan BMW 650 Dakar þá er þar fulltrúinn minn. Síðan er það von mín að Nína frænka geti beitt sér ef upp koma vandamál leiðinni til þess að markmiðunum ykkar verið náð.

Enn og aftur gangi ykkur vel og ég fylgist með.

Oddur Eiríks - 897 3555

[Sverrir Þorsteinsson, 1.5.2007 kl. 22:40]

Sælir og takk fyrir góð orð.  Varðandi dekkin þá er eina vitið að nota svona dekk eins og við erum á núna, til þess að fá einhverja endingu.  Grófari dekk endast mun skemur og auk þess eru þau leiðinlegri og hættulegri í bleytu.  En á hinn bóginn, þá verðum við báðir með eitt vara/aukadekk, og það dekk verður gróft, þ.e. kubbadekk sem framleitt er úr götugúmmýi þannig að betri ending fáist.  Þetta eru dekk sem heita Continental TKC80.  Þannig að hér er hugsað fyrir öllu.  Já ég vona að Nína frænka vaki yfir okkur og leiði okkur réttar leiðir ef með þarf. 

Sverrir